Komiteti Teknik ka përjashtuar Kuvendin nga rregulli për ndalimin e grumbullimit të më shumë se 10 personave në ambient ta hapur dhe të mbyllur, me qëllim frenimin e përhapjes së COVID dhe kësisoj sot do të ketë seancë plenare.
Seanca e sotme ishte parashikuar të nisë me një interpelancë urgjente me kryeministrin Edi Rama, por për shkak se kryeministri dhe ministri i rindërtimit Arben Ahmetaj nuk ndodhen sot në Shqipëri pasi kanë udhëtuar drejt Dubait, interpelanca e thirrur nga deputeti Ralf Gjoni do të zhvillohet me ministren e Shëndetësisë, Ogerta Manastirliu.
Ndërkaq është futur në rend dite, kërkesa për ngritjen e Komisionit të Posaçëm parlamentar për raportin e Dick Marty.
Konferenca e Kryetarëve ka miratuar kalendarin për zhvillimin e seancave plenare në datat 3, 10 dhe 17 dhjetor.
Seancat duhet të zhvillohen duke ruajtur rregullat e distancimit social si dhe do të ketë edhe kufizime në kohëzgjatje.” Në këto rrethana, kohëzgjatja e seancave do të shkurtohet në tre orë./Bl.Ba/Fjala.al
