Në prag të ditës ndërkombëtare të HIV/AIDS, epidemiologia Silvia Mancini, pjesë e organizatës humnitare “Mjekët pa kufij” (MSF) vjen me një mesazh të fortë.
Mancini bën një krahasim mes epidemisë së shkaktuar nga HIV/AIDS, 20 vite më parë dhe, pandemisë Covid-19.
Sipas saj terapitë antiretrovirale të zbuluara u përdorën në masë në vendet e pasura, duke ulur ndjeshëm edhe numrin e vdekjeve nga ky virus, por vendet me burime ekonomike të kufizuara arritën ta bënin të tyren këtë terapi vetëm 10 vite më vonë.
Epidemiologia Mancini shprehet se është pikërisht kjo gjë që duhet të shmangim për të përballuar pandeminë e Covid-19, duke lejuar me një bashkëpunim global furnizimin dhe aksesin nga të gjitha vendet për terapitë e nevojshme në luftën me koronavirusin.
“Në lidhje me pandeminë Covid-19, ne duhet të shmangim një përsëritje të tragjedisë së shkaktuar nga epidemia e HIV / AIDS 20 vjet më parë, kur arritën terapi antiretrovirale, të cilat ndryshuan rrjedhën e sëmundjes në vendet e pasura duke ulur ndjeshëm numrin e vdekjeve., ndërsa në vendet me burime të kufizuara vetëm 10 vjet më vonë me prodhimin dhe eksportimin e versioneve të para gjenerike të trajtimeve. Kapërcimi i monopoleve në të gjitha produktet farmaceutike të nevojshme për të përballuar pandeminë Covid-19 do të lejojë një bashkëpunim global të dobishëm për të rritur. Prodhim, furnizim dhe akses për të gjithë“, është shprehur Mancini.
Ndër të tjera Mancini shprehet, duke iu bërë thirrje qeverive të të gjitha vendeve, që mos të humbasin kohë duke u varur nga kompanitë farmaceutike, por të marrin situatën në kontroll.
“Covid-19 tashmë ka shkaktuar mbi 1.3 milion viktima, një vuajtje me përmasa shkatërruese para të cilave qeveritë nuk mund të lejojnë më të humbin më shumë kohë duke pritur veprën e mirë vullnetare nga industria farmaceutike”, përfundon Mancini./Re.D/Fjala.al
