Xhamia e Madhe e al-Nuri në Mosul ka filluar të rindërtohet pas shkatërrimit që i bënë me bomba më 21 qershor të 2017 xhihadistët në Irak.
Projekti është i UNESCO-s ndërsa mbështetet financiarisht nga Emiratet e Bashkuara Arabe, me një vlerë mbi 50 milionë dollar.
Kjo xhami në Mosul është në pjesën e vjetër të qytetit, ndërsa është ndërtuar nga një sundimtar turk i Mosulit dhe Alepos në vitet 1172-1173.
Ajo është jo vetëm një vend adhurimi, por edhe një përfaqësuese e larmisë së pasur të qytetit: e feve të ndryshme, artit, arsimit dhe kulturës.
Xhamia qëndronte e vendosur strategjikisht në zemër të qytetit, e rrethuar nga një rrjet rrugicash të ngatërruara dhe rrugëve mesjetare që bashkoheshin drejt portave të qytetit.
Në korrik 2014, kjo xhami ishte vendi ku lideri i Shtetit Islamik Abu Bakr al-Bagdadi kërkoi besnikëri në daljen e tij të parë dhe të vetme në publik.
Projekti i nisur fillimisht nga kryeministri i Irakut Mustafa al-Kadhimi dhe Sekretari i Përgjithshëm i Kombeve të Bashkuara António Guterres, synon të rivendosë strukturën urbane, sociale dhe kulturore të xhamisë në Qytetin e Vjetër./Re.D/Fjala.al
