Zv.kryeministri, Erion Braçe përmes një postimi në Facebook ka deklaruar se tani kolaudimi i mjeteve do t’i kalojë shtetit dhe do ti ofrohet qytetarëve një shërbim më cilësor, me standarde dhe më i lirë.
Sipas tij, koncesioni Berisha/Meta mbaroi.
“Kolaudimi” tek shteti! Shërbim publik cilësor, në standard dhe më i lirë! Koncesioni Berisha/Meta mbaroi! Edi Rama njoftoi sot në mëngjes konkluzionin e punës së kryer prej muajsh në ministrinë e Infrastrukturës, DPSHTRR, për këtë shërbim masiv për njerëzit!
Ndërkohë procesi ka nisur; SGS po bën dorëzimet e koncesionit. Është një inventar që dëshmon jo vetëm dështimin katastrofik të koncesionit Berisha/Meta, por po të hetohet do dëshmojë një krim të shumëfishtë mbi qytetarët, jetën e pronën e tyre, mjedisin gjithashtu!
Prej ditës kur e sollën në Kuvend përmes qeverisë së përbashkët BERISHA/META, krijova bindjen se jo vetëm që shërbimi nuk do të përmirësohej, bëhej më cilësor por thjesht do të transferohej korrupsioni banal nga një dorë në tjetrën. U provua i tillë!
Aq i madh ishte korrupsioni aty, sa kur unë e kolegu Shalsi provuam në mandatin e parë ta thyenim monopolin e këtij koncesioni me amendim në Kuvend, skena aty mes ministrit të linjës dhe kryetarit të Kuvendit ishte banale, madje desh rrezoi Qeverinë.
Sot, nuk jam i kënaqur që gjithë çfarë thamë në opozitë është provuar! Jo, dua hetim të qartë pas dorëzimit të koncesionit për gjithë çka ndodhur me koncesionarin dhe kontratën, zbatimin e saj.
SGS, kOLAUDIMET
Sot, jam i kënaqur që ne po mbajmë fjalën, kthejmë si shërbim publik një shërbim masiv për qytetarët përmes një prej agjencive publike më të mira.
Nuk e fsheh; unë besoj tek shërbimi publik! Dua pafund që edhe një herë të tregojmë se një shërbim publik është ligjor, korrekt, cilësor, i barabartë, i ndershëm dhe më i lirë për shqiptarët.
E di që tani do turren nga një i majtë i rigjetur si Bushati etj, e do revoltohen: Pse se bën më parë? E di që tani do turren dhe të interesuarit privatë që nuk bëjnë asgjë më shumë se sa transferojnë korrupsionin, do sulmojnë vendimin, agjencinë, individët.
Por betejë është kjo; nuk duhet të dorëzohemi! Interesat politike e private të tilla janë! Shqiptarët duhet të shohin ndryshim, e kërkojnë nga ne! Siç kërkojnë shërbim publik tani, përsëri nga ne e jo nga shtëpia e hajdutëve PD-LSI!”, shkruan Braçe./Bl,.Ba/Fjala.al
