Masat do të vijojnë të mbeten në fuqi pa një afat! Ky ka qenë komunikimi i bërë publik mesditën e sotme nga komuniteti i Ekspetrtëve lidhur me masat anticovid në vendin tonë.
“Përshëndetje të gjithëve, vendi po përballet me një valë të lartë. Vetëm javën e fundit është vënë re një tendencë në ulje të rasteve pozitive përsa u përket infektimeve me Covidp19. Qarku që mban peshën më të madhe është Tirana, Gjirokastra dhe Lezha.
Duhet të theksojmë dhe një element të rëndësishëm se java e fundit ka treguar një ndikim tek ulja e shifrave. Kemi marrë vendimin të vijojnë të njëjtat masa, ndalimi i ceremonive festive, mbledhjeve të partive. Nga ora 22:00 deri në orën 06:00”, u shpreh Tomini.
Nga ana e saj zv/ ministrja e Shëndetësisë Mira Rakacolli, në një dalje për media konfirmoi se për një afat të pacaktuar do të vazhdojnë të jenë në fuqi masat aktuale të kufizimeve anti-Covid.
Rakacolli megjithatë theksoi se situata është dinamike dhe nëse do të rëndohet, mund të vlerësohen masa të reja.
“Komiteti i Ekspertëve në mbledhjen e zhvilluar pak më parë mori vendimin për t’i vijuar këto masa. Do të vijojnë të jenë të ndaluara mbledhjet me më shumë se 10 persona, do të jetë në fuqi kufizimi i lëvizjeve nga ora 22:00 deri në 06:00 të mëngjesit, do të kufizohen baret dhe restorantet.
Administrata do të vazhdojë të punojë nga shtëpia. Universitetet do të vazhdojnë online, shkollat do të vazhdojnë mësimin e kombinuar. Të gjitha këto masa do të jenë pa afat. Duhet theksuar që kjo situatë është dinamike, nëse do të rëndohet, mundet të vlerësohet”, tha Rakacolli.
E pyetur për mbyllje në fundjavë, Rakacolli tha se kjo gjë nuk është diskutuar aspak deri në një moment të tillë në mesin e ekspertëve. “Rikthimin e izolimit në fundjavë nuk e kemi diskutuar si diçka që mund të ndodhë. Presim si do të shkojë situata për të marrë vendime të tjera,” tha ajo./Bl.Ba/Fjala.al
