Kryeministri Edi Rama ka publikuar një video ku dëshmohet se si bëhet testi i shpejtë anti-Covid dhe sa pak zgjat e gjithë procedura.
“Që sot starton aplikimi i testit të shpejtë të anti-genit, testi do kryhet në ato vatra që janë më të rrezikshme për përhapjen e infeksionit.
Krahas testit të anti-genit do vazhdojë të aplikohet edhe testi i PCR
Kjo është vatër që e kemi hetuar paraprakisht, ka pasur 2-3 punonjës të infektuar, ndaj ndërmorëm këtë hap për të marrë një rezultat në kohë.
Nuk është i dhimbshëm, merret në kavitetin naval. Hidhen tre pika dhe presim për 15-30 minuta për përgjigjen. Testet e shpejta na ndihmojnë në punën në terren për hetimin e vatrave. Rezultati del shumë shpejt, janë teste të njohura edhe nga OBSH,” thotë doktoresha në video.
Postimi i Ramës
“Që prej mbrëmjes së 8 Marsit, epidemiologët po bëjnë një punë të jashtëzakonshme në terren për hetimin dhe testimin e qytetarëve të dyshuar për #covid19.
Siç u zotuam, testimi i shpejtë ka nisur në Tiranë nga ekipet e epidemiologëve të terrenit, duke rritur aksesin për qytetarët për testimin në kohë dhe të sigurt
Së shpejti, hapen disa pika në qendra shëndetësore për testimin me rezervim pranë mjekut të familjes.”, shkruan kryeministri.
Pa.Va/Fjala.al
