Historia rikthehet te përballjet me njëri-tjetrin në fushë. Sot në mbrëmje është ndeshja Barcelona-Juventus, takimi i fundit i grupeve të Champions-it, por mbi të gjitha rikthimi i sfidës së përjetshme mes Kristiano Ronaldos dhe Leo Mesit.
Katalanasit e nderojnë këtë duel mes tyre me një dizajn në rrjetet sociale që portretizon yllin portugez dhe “pleshtin”, të ulur në cepin e përplasjeve të tyre epike, “History” e ka cilësuar klubi i Barcelonës këtë duel.
Por duket se kjo përballje ka marrë të gjithë vëmendjen e nevojshme edhe nga shtypi botëror të cilët i kanë rezervuar faqet e para të gazetës së tyre.
Barcelona-Juventus, me katalanasit që e kanë fituar ndeshjen e parë 2-0 dhe për bardhezinjtë vendi i parë në grup është një mision i vështirë.
Një triumf 0-3 në këtë transfertë duket një utopi. Të gjithë normalisht do të duan të shohin Messin e Ronaldon në fushë.
Më poshtë Fjala.al ju sjell një fotogaleri nga gazetat më me emër në botë dhe çfarë ato kanë shkruar për këtë duel./marca/Bl.Ba/Fjala.al
