Bashkia e Tiranës thotë se ka përfunduar aksionin për pastrimin e rrëmujës që la pas protesta gati katër orëshe për vrasjen e 25-vjeçarit Klodian Rasha nga një efektiv i policisë.
Akteve vandale në protestë nuk i shpëtoi as godina Bashkisë së Tiranës, Kryeministria dhe Ministria e Brendshme, ndërsa një pjesë e protestuesve u drejtuan në Sheshin Skënderbej, ku shkatërruan një pjesë të dekorit të vendosur për festat e fundvitit.
Protesta u mbyll me tetë efektivë të plagosur, disa prej tyre në gjendje më të rëndë. Ndërsa të plagosur pati edhe nga radhët e protestuesve. Të gjithë morën mjekimin e duhur në Spitalin e Traumës, ndërsa një efektiv 36-vjeçar rrezikon të humbasë shikimin për shkak të dëmtimit të rëndë në sy.
l.m/Fjala.al
