Ministri i Punëve të Brendshme, Sandër Lleshaj të enjten i ka vënë në dispozicion dorëheqjen kryeministrit Rama nga pozicioni i tij si ministër.
Lajmi është konfirmuar nga kryeministri Edi Rama në konferencën me mediat, i cili theksoi se ministri i ka ofruar dorëheqjen.
Ish-ministri Lleshaj, zëvendësoi Fatmir Xhafajn, i cili dha dorëheqjen dy vite më parë nga posti i ministrit të Brendshëm, veçanërisht pas akuzave gjithmonë në rritje të opozitës.
Nënvizojmë se Rama e justifikoi largimin e Xhafës në atë kohë me arsyetimin se kërkonte “shpejtësi, energji dhe rezultate të reja”, duke shkruar në rrjetet sociale se Gjeneral Sandër Lleshi, “do të sjellë një energji të re, pozitive në krye të Punëve të Brendshme. Tani duhet rritur shpejtësia dhe duhen arritur rezultate edhe më domethënëse”.
Në shtator të këtij viti, ish-ministri Lleshaj, deklaroi nga qyteti i Vlorës, gjatë prezantimit të strukturës së re “Shqiponja” se nuk është i përhershëm në qeveri dhe se është e sigurt se nuk do të jetë më ministër.
“Asnjë nuk është i përhershëm në një post”, tha ai.
Nga ana tjetër edhe këtë pasdite Shqipëria është ‘në këmbë’. Nga momenti në moment pritet që të nisë protesta e radhës që ka një qëllim: Drejtësi për Klodian Rashën, të riun që u vra nga efektivi i policisë, Nevaldo Hajdaraj!
Kryeministri Edi Rama ka ngushëlluar familjen Rasha të cilën e vizitoi sot nga afër, ndërsa në orën 18:00 dha ‘verdiktin’ e tij final./Re.D/Fjala.al
