Një vdekje tragjike mund të konsiderohet ajo e 55-vjeçarit i cili ka rënë në kontakt me rrymën elektrike çka i ka sjellë dhe vdekjen.
Ngjarja ka ndodhur mëngjesin e kësaj të diele rreth orës 8:30, në vendin e quajtur “Sheret”, Konispol, Sarandë.
Një mjet i rëndë që punonte në rrugën pranë fshatit Mursi, në Bashkinë e Konsipolit ka rënë në kontakt me rrymën elektrike dhe për pasojë, ka ndërruar jetë në vend drejtuesi i mjetit Pandeli Anagnosti, 55 vjeç.
Ambulanca shkoi në vendin e ngjarjes për të nxjerrë trupin, duke mos ndërhyrë dot me shpejtësi për shkak të energjisë elektrike.
Policia dhe grupi hetimor po punojnë për zbardhjen e plotë të ngjarjes./Bl.Ba/Fjala.al
