Vaksina e Moderna-s për të luftuar COVID-19 duket se është gati për t’u miratuar në protokollet zyrtare të SHBA-së këtë javë.
Anëtarët e stafit të Administratës së Ushqimit dhe Barnave të SHBA-së nuk ngritën ndonjë problematikë lidhur me vaksinën, ndërkaq njoftuan se ajo ka pasur efektshmëri deri në 94% të rasteve.
Lajmi vjen ndërsa numri i të vdekurve nga koronavirusi në SHBA kalon mbi 300,000, sipas Universitetit Johns Hopkins.
Miratimi i vaksinës Moderna u njoftua të martën, dy ditë para se paneli i vaksinës të mblidhet për të diskutuar miratimin emergjent.
Në dokumentin 54-faqësh thuhet ndër të tjera se nuk kishte ndonjë shqetësim specifik për sigurinë dhe se efektet serioze anësore ishin të rralla.
Vlerësuesit e FDA u shprehën se dy doza të vaksinës Moderna ishte të mjaftueshme për mbrojtjen ndaj virusit duke mos patur kështu, asnjë problem edhe për përdorim nga persona nën 18 vjeç, raporton AlJazeera.
Moderna është vaksina e dytë që FDA po merr në konsideratë për të miratuar. Kujtojmë që javën e kaluar në SHBA është miratuar vaksina Pfizer në bashkëpunim me BioNTech.
Spitalet filluan të vaksinojnë personat e parë të hënën me vaksinën Pfizer, ndërkaq Shtetet e Bashkuara po mundohen të aprovojnë përdorimin e vaksinës Moderna për të përmbushur premtimin se këtë muaj do të vaksinojnë 20 milionë njerëz.
