Zv.ministrja e Shëndetësisë, Mira Rakacolli e ftuar në emisionin ‘Open’ ka treguar se Shqipëria do të pajiset me vaksinat Anti-Covid në muajin e parë të 2021.
“Harta është bërë me parashikimi. Varet nga niveli i informacionit për vendin që kanë. Nuk e di informacionin që ka marrë për të përllogaritur këtë lloj afati. Nuk e di çfarë informacioni kanë marrë, e them me përgjegjësi. Shqipëria do ta ketë të gjithë mundësinë për të marrë vaksinën në muajt e parë të 2021. Po punojmë me COVAX,”-u shpreh Rakacolli.
Kryeministri Edi Rama më herët ka bërë me dije se në buxhetin ekonomik 2021 parashikohet që vaksinat anti-covid do të jenë falas dhe se nuk do të jetë e detyrueshme për qytetarët./r.g/fjala.al
