Presidenti Ilir Meta thotë se Gjykata Kushtetuese, e cila tashmë është bërë funksionale është një nga institucionet më të rëndësishme në vend.
Në një komunikim me gazetarët nga Elbasani, kreu i Shtetit dhe se procesi për bërjen totalisht funksionale të kësaj gjykatë vazhdon.
“Gjykata Kushtetuese ka qenë dhe do të jetë institucioni më i rëndësishëm në vend, si në çdo vend ku sundon shteti i së drejtës. Presidenti ka bërë çdo përpjekje që vendi mos mbetej pa Gjykatë Kushtetuese, por ka ende punë për të patur një gjykatë plotësisht funksionale”, tha Meta.
Një mesazh, Kreu i Shtetit kishte edhe për anëtarët e rinj të kësaj gjykate. “Për presidentin funksionimi i Gjykatës Kushtetuese është thelbësore dhe unë shpresoj që për të gjithë anëtarët e kësaj gjykatë që janë bërë pjesë e saj dhe do të bëhen pjesë të kenë përgjegjshmëri maksimalë për të kuptuar rëndësinë e këtij institucioni, për shtetin e së drejtës, për të drejtat e qytetarëve, për të mbrojtur demokracinë.
Unë do të mbështes pavarësinë e këtij institucioni dhe pavarësinë institucioneve të tjera”, tha ndër të tjera Meta./Bl.Ba/Fjala.al
