Kjo e dielë shënoi nisjen e fluksit të emigrantëve të cilët po kthehen drejt vendeve ku ata punojnë. Në pikën kufitare të Kakavijës raportohet për një fluks normal drejt Greqisë përgjatë 24 orëve të fundit, ndërsa pritet të ketë një rritje ditën e nesërme.
Burime zyrtare bëjnë me dije se nga kjo pikë doganore kanë kaluar kufirin 1452 shtetas. Po punohet me katër sportele në hyrje-dalje nga pala shqiptare, ndërsa ajo greke punon me dy sportele. Nuk janë shënuar radhë.
Nesër pritet të ketë një shtim të numrit të emigrantëve pasi dhe pronotimet në linjat e urbanëve kanë qenë të shumta.
Numri i emigrantëve që erdhën për të festuar në atdhe ka qenë më i ulët këtë vit, kjo për shkak të pandemisë dhe kushteve të pafavorshme që u krijuan gjatë këti viti.
Ndërkohë në Kapshticë me 2 janar kanë hyrë 86 shtetas dhe 31 mjete. Ndërsa në Qafë-Thanë, kanë hyrë 1922 shtetas dhe kanë dalë 2090 shtetas./Bl.Ba/Fjala.al
