Këngëtari i famshëm italian, Adriano Celentano, ka mbushur sot 83-vjeç. Sipas mediave italiane, ai është në gjendje mjaft të mirë fizike, por jeton i izoluar për shkak të pandemisë.
I pyetur një ditë më parë në një lidhje telefonike nëse do ta bëjë apo jo vaksinën, nisur nga teoritë e shumta që qarkullojnë, këngëtari u shpreh i vendosur: “Unë kurrë nuk kam bërë vaksinë, por tani jam dakord ta bëj dhe Claudia gjithashtu.”
Ai humbi të atin kur ishte 13-vjeç, është fëmija i pestë dhe emrin ja ka marrë motrës së tij, Adriana, e cila humbi jetën nga leucemia në moshën 9-vjeçare, katër vite para lindjes së tij.
Suksesi për të ishte shumë i shpejtë. Celentano, fillimisht debuton në Teatër, e më pas bashkohet me një grup muzikor.
Fama e tij ‘shpërtheu në vitin 1959, kur ishte vetëm 21-vjeç, ku mori vendin e dytë në Festivalin e Ankonës, me këngën “Puthja jote është si një shkëmb”./Bl.Ba/Fjala.al
