Festivali më i madh dimëror në botë është hapur në Kinë në mes të pandemisë së COVID-19.
Një ‘Mbretëri e Akullit dhe Borës’ e gjerë, një park i ndërtuar tërësisht me copa akulli, u ndriçua nga drita neoni ndërsa Festivali i 37-të i Akullit dhe Borës filloi zyrtarisht të martën.
Si atraksioni kryesor turistik i Harbin, i cili njihet si ‘Qyteti i Akullit’ i Kinës, karnavali dimëror zakonisht tërheq qindra miliona vizitorë në vit.
Por këtë vit, numri i vizitorëve ka rënë dhe organizatori tha se duhej të anulonte ceremoninë e hapjes së festivalit për të parandaluar përhapjen e koronavirusit.
Kina po përballet me disa shpërthime të COVID-19 në provincat veriore. Autoritetet vendosën të mërkurën kufizime të udhëtimit dhe ndaluan tubimet në Shijiazhuang, kryeqyteti i Provincës Hebei.
