2020 i ka dhënë një dimension tjetër udhëtimeve dhe pushimeve, pasi tanimë njëjtë si në jetën e përditshme edhe pushimet janë ndikuar nga kufizimet.
Prestigjiozja amerikane CNN, në një artikull të saj ka treguar një listë të vendeve ku qytetarët amerikanë mund të kalojnë pushimet e tyre, pa pasur nevojën e një testi negativ COVID-19 apo karantinimin e tyre për 14 ditë.
Në artikullin e tyre ata theksojnë se gjithsesi ata duhet të kalojnë kontrollet shëndetsore, të mbajnë maska me detyrim dhe duhet të respektojnë orën policore.
Shqipëria nuk është e vetme në listë, në rajon janë edhe Serbia, Mali i Zi, Maqedonia e Veriut apo Bosnia dhe Hercegovina. Deri tani Shqipëria dhe Serbia gjithashtu kanë filluar me vaksinimet kundër COVID-19. SHBA , ditën e djeshme morën vetë vendimin për të pasur një test negativ për çdo qytetar që udhëton atje, në përpjekje për të shmangur përhapjen në shkallë të madhe të virusit.
