Politikani dhe arkeologu Neritan Ceka, ka treguar mbrëmjen e djeshme disa veçori të dy ish-kryeministrave Fatos Nano dhe Sali Berisha, si një person që i ka njohur nga afër të dy.
Ceka ka thënë mbrëmjen e djeshme në “Opinion” se atë Nano qëndronte shumë pak në zyrë, ama për një çerek ore bënte atë që Sali Berisha e bënte për një vit.
“Si vizionar ka qenë padyshim Nano. Nano me një çerek ore bënte atë që Berisha e bënte për një vit, e që se bëri dot. Pra, shkonte në zyrë, se unë kam qenë Ministri i tij, i bije telefonit nga ora 8 e gjysmë, në 9, nuk ishte, në 10, në 11 nuk ishte. I bije në 2 e gjysmë, thoshte sekretarja erdhi dhe iku.
Pra në atë gjysmë orë që rrinte në zyrë, bëri reformën e privatizimit, në mënyrën më të suksesshme për rrëmujën e Shqipërisë, bëri reformën e arsimit, shkollat private, bankat private, i krijoi ai, Berisha la vetëm bankën Dardania. Bëri TV, ja këtu jemi për shkak të Nanos. Mediat i mbajti në xhepin e xhaketës doktori dhe i vetmi që i nxori dhe i bëri media europiane, ishte Nano”, është shprehur ndër të tjera Neritan Ceka.
