Grupi i famshëm i vajzave Pussycat Dolls do të rikthehet së shpejti. Sipas gazetës britanike “The Sun”, vajzat janë afër nënshkrimit të një marrëveshjeje të menaxhimit për të siguruar një të ardhme afatgjatë. Ky veprim do të thotë se grupi i famshëm me në krye, Nicole Scherzinger do të vijnë së shpejti me projekte të reja.
Edhe pse njoftuan rikthimin në skenën muzikore në 2019, grupit iu desh të riplanifikonte turneun e tyre të bashkimit dy herë për shkak të pandemisë së koronavirusit. Një burim tha për gazetën se Pussycat Dolls janë në bisedime me kompaninë menaxhuese të Madonna dhe Britney Spears, Maverick si dhe disa firma të tjera të mëdha.
“Nicole pati menduar të krijonte muzikë solo vitin e kaluar dhe shkroi një seri këngësh. Koha ka kaluar dhe nuk ka ndonjë plan deri më tani për të ardhur si artiste solo. E gjithë fokusi i saj për momentin është tek Pussycat Dolls. Me gjysmën e grupit në Mbretërinë e Bashkuar dhe gjysmën në SHBA është e ndërlikuar, por ata janë të vendosura të lëshojnë disa këngë në 2021.”, tha burimi.
l.m/Fjala.al
