Një shpërthim i fuqishëm ka ndodhur pak më parë në qendër të Madridit. Pamjet e publikuara në rrjetet sociale tregojnë një ndërtesë të dëmtuar dhe mbeturinat që kanë bllokuar rrugën. Shkaku i shpërthimit nuk është ende i qartë. Fotografitë dhe videot e filmuara nga kalimtarët e tronditur tregojnë makina të shkatërruara nga shpërthimi dhe tym që del nga kati i sipërm i një ndërtese.
Një gazetar në Madrid tha se një shpërthim “i tmerrshëm” kishte ndodhur në Calle Toledo, një rrugë në një zonë në qendër të qytetit të kryeqytetit spanjoll. Rruga është rrethuar nga policia. Një zëdhënës i Këshillit të Qytetit të Madridit konfirmoi se zjarrfikësit, policia dhe njësitë e mbrojtjes civile janë në vendin e ngjarjes. Tetë ekuipazhe të zjarrfikësve janë dërguar në zonë, sipas faqes lokale të lajmeve, TeleMadrid.
Një shkollë raportohet të jetë dëmtuar rëndë nga shpërthimi dhe tymi që shihet në videot e filmuara në rrugë thuhet se vinte nga një azil ngjitur me ndërtesën ku ndodhi shpërthimi.
