Donald Trump nuk u bë pjesë e ceremonisë së inaugurimit të pasardhësit të tij Joe Biden, por ndoqi një nga traditat e rëndësishme: i la letrën në Zyrën Ovale.
Pasi u betua si presidenti i 46-të i Shteteve të Bashkuara, Joe Biden zbuloi në letrën e tij Trump ishte shprehur shumë zemërgjerë. Ai nuk dha më tej detaje se çfarë shkruhej në letër.
Trump vazhdoi kështu traditën e gjatë të vendosur nga presidentët e kaluar para tij, të cilët linin një letër për pasardhësin ku jepeshin këshilla nisur nga eksperienca e viteve të tyre në krye të shtetit.
Kur Trump hyri në Shtëpinë e Bardhë katër vite më parë, e cilësoi si “të bukur” letrën që Barack Obama kishte lënë për të, ku ndër të tjerash shkruante se nuk duhet ta shkatërrojmë demokracinë për përfitime personale.
