Nuk mund të mohohet që pandemia ka ndryshuar këndvështrimin për romancën mes njerëzve.
Për beqarët, puthjet e takimit të parë tani janë diçka e çuditshme dhe lidhja me një të huaj në një lokal duket si një koncept krejtësisht i huaj.
Ata që janë në një lidhje përballen me problemet e tyre, si p.sh. gjërat po ecin shumë shpejt, ndërsa shumë nisën bashkëjetesën gjatë karantinës. Por duket se pandemia ka shkaktuar një ndryshim tek beqarët.
Sipas hulumtimit të ri nga ‘Hinge’, aplikacion njohjesh, 53% e përdoruesve të anketuar thonë se tani janë gati për një marrëdhënie serioze afatgjatë. Për më tepër, një në tre prej tyre thanë ndjenjë se ka më urgjencë për të gjetur një partner dhe 59% zbuluan se janë bërë më mendjehapur se me kë duan të njihen.
Eksperti i marrëdhënieve, psikoterapisti dhe themeluesi i ‘The Relationship Paradigm’, Neil Wilkie, shpjegon këtë ndryshim: “Fokusi ynë ka ndryshuar nga një e ardhme ‘ndonjë ditë’ në kërkimin e diçkaje shumë më të menjëhershme dhe të qartë. Jemi nën një kërcënim të tmerrshëm dhe për të siguruar mbijetesën e specieve tona duhet të gjejmë një partner të përshtatshëm me të cilin të krijojmë familje. Nga ana tjetër kemi nevojë për siguri dhe gjetja e një partneri afatgjatë është rruga më e mirë për këtë”.
Sipas tij kemi një perspektivë edhe më të gjerë të asaj që duam nga jeta. Gjithashtu nga ana tjetër pandemia na ka bërë të ballafaqohemi me vdekshmërinë tonë.
