Instituti i Virologjisë Wuhan, i njohur për hulumtimet e tij mbi viruset tek lakuriqët e natës, është përmendur prej kohësh si një burim i mundshëm i përhapjes së infeksionit.
Autoritetet kineze i hedhin poshtë këto pretendime si “spekulime të pastra” dhe theksojnë se në laboratorin e Wuhanit ka një nivel të lartë sigurie.
Një dokumentar i vitit 2017, transmetuar edhe në televizionin shtetëror CCTV tregon punën e ekspertëve të këtij instituti mbi koronavirusët.
Konkretisht bëhet fjalë për një grup shkencëtarësh të quajtur “Woman Bat” në kërkim të origjinës së SARS. Ky grup kërkuesish shkencor kanë ekzaminuar disa lakuriq nate, dhe pavarësisht se e dinin se lakuriqët mund të mbartnin viruse vdekjeprurëse, gjatë humultimit në shpella nuk kanë përdorur doreza dhe veshje mbrojtëse.
Lakuriqët e natës u ekzaminuan me duar të zhveshura dhe pa doreza. Jashtëqitjet e tyre, që janë një burim potencial infeksioni u morën me duar.
Virologu Chui Jiu, tregon në dokumentar se një prej lakuriqëve e kafshoi në dorë, kafshim i cili shkon përtej dorezave të holla të gomës, duke e treguar shenjën e kafshimit drej kamerave.
Gjatë këtij dokumentari, theksohet gjithashtu se lakuriqët e natës mund të transmetojnë viruse të shumta, përfshirë këtu edhe tërbimin. Nisur nga këto fakte i gjithë ekipi i shkenctarëve të cilët do të humultonin në shpella u vaksinuan kundër tërbimit.
Gjatë minutave të dedikuara për transpmetim tregohet padashur, se masat e sigurisë nuk u respektuan si duhet, jo vetëm gjatë hulumtimeve në shpellë, por edhe në laborator, ku teknikët e laboratorit nuk mbajnë veshje mbrojtëse ose maskë fytyre, shkruan DW.
Shi Zhengli, kreytarja e Qëndrës për Sëmunfjet Infektive në Wuhan, ka deklaruar se këto kërkime nuk janë aq të rrezikshme sa mendohet, pasi probabiliteti për infektimin drejtëpërdrejtë të njerëzve është shumë I ulët.
Ajo ka shpjeguar se bashkëpunëtorët e saj, kur janë të vetëdijshëm që lakuriqët e natës në një vend të caktuar mbartin një virus që mund të përhapet te njerëzit, marrin masa paraprake më të mëdha, por që “në shumicën e rasteve, zbatohet vetëm mbrojtja e zakonshme”.
Nga ky dokumentar është ngritur një pikëpyetje e madhe, për të cilën ekipi I OBSH-së me siguri do të donte të gjente një përgjigje, pasi një qëndrim I tillë ndaj masave të sigurisë është tronditës.
