Ministri i Shtetit për Rindërtimin ka folur për procesin e rikthimit të qytetarëve në banesa të reja.
Në një intervitës për Neës 24, Ahmetaj tha se sot janë rreth 860 familje në çadra, nga 11 mijë të tilla që ishin në dhjetor të vitit 2019.
Ai ka thënë se deri në verën e vitit 2022, do të përfundojnë të gjitha dëmet nga tërmeti.
“Sot janë 860 familje në çadra. Në dhjetor të 2019 kanë qenë 11 mijë familje. Ky numër reduktohet përditë.
Ndërtohen shtëpi, pallate dhe ata kthehen në shtëpinë e tyre, Çdo familje që nuk është në shtëpi sot ka bonus qiraje. Të gjitha familjet që nuk mund të shkonin në shtëpinë e tyre për shkak të sigurisë trajtohen me bonus qiraje.
Nuk mund të jem dot i kënaqur deri kur i fundit nga këto familje të jetë në shtëpitë e tyre. Çdo çelës që ne japim, çdo themel që hapim, ma plotëson kënaqësinë e punës. Ky është pozicioni më i rëndësishëm në raport me qytetarët.
Ky është projekti më social, që ka pasur ndonjë qeveri në 30 vite. Në pranverën e 2022 do të përfundojnë të gjitha dëmet nga tërmeti. Do jepen të gjitha shtëpitë, bonuset”,- tha Ahmetaj.
Përsa i përket programit të Partisë Demokratike, Ahmetaj tha se ata nuk folën asnjë fjalë për rindërtimin apo pandeminë. Sipas tij, nëse këta do të vinin në pushtet këta 11 mijë familje do të mbesnin pa shtëpi.
“Nuk folën për rindërtimin, po të vinin këta në pushtet këta 32 mijë familje do të ishin pa shtëpi”,- tha Ahmetaj.
