Në vitin 2016 iu bë atentat vëllait/ Kush është Shkëlzen Kastrati dhe konflikti i hershëm me një familje në Fier

113 563 lexime

106,048FansaPëlqeje

 

Shkëlzen Kastrati, 42 vjeç, është personi i cili paraditen e sotme u ekzekutua me armë tek rreth-rrotullimi i Sheqit në Fier. Sipas burimeve nga policia, emri i viktimës është i njohur në qytetin e fierit, ndërsa nuk është specifikuar veprimtaria e tij. Nuk dihet, nëse 42-vjeçari ka precedentë të mëparshëm penalë apo jo.

Ndërkohë, ekspertë të policisë janë shprehur se Kastrati është ekzekutuar nga një “dorë” profesioniste në qitje, pasi, viktima edhe pse ishte në lëvizje me makinën e tij tip “ML”, autori ka mundur të godasë në shenjë.

Ndërkohë, këta të fundit lëviznin me një mjet tip “Range-Rover”, e cili u gjet duke u djegur pas ngjarjes, në afërsi të vendit ku po ndërtohet spitali i ri në Fier. Sakaq, burimet thanë se 42-vjeçari është qëlluar në rreth-rrotullim, ndërsa ka lëvizur edhe disa metra më tej duke u përplasur me një tjetër makinë.

Ekspertë të kriminalistikës në Policinë e Fierit kanë shkuar në vendin e ngjarjes, ku kanë mbledhur edhe provat për të bërë të mundur identifikimin e autorit/ëve. Po ashtu, janë shoqëruar edhe disa persona në cilësinë e dëshmitarëve okularë, pasi kanë qenë të pranishëm në vendin e ngjarjes.

Shkëlzen Kastrati mësohet se është vëllai i Kelmend Kastratit. 35-vjeçarit iu bë një atentat në janar të vitit 2016. Në atë kohë, policia raportoi se atentati ishte kryer për shkak se Kelmend Kastrati dyshohej të ishte përfshirë në një vrasje dhe një plagosje të ndodhura disa vite më parë.

Familja Kastrati ka probleme me një tjetër familje në Fier dhe policia dyshon se për shkak të këtyre problemeve kanë ndodhur disa ngjarje të rënda në Fier. Atentati ndaj Kelmend Kastratit në janar 2016 dyshohet se u krye nga njëri prej anëtarëve të familjes në fjalë.

Lexo edhe :  Goditet për vdekje shqiptari dhe kolegu i tij italian teksa udhëtonin me kamionçinë

Nga atentati atëherë mbeti i vrarë Denis Kasaj që drejtonte makinën dhe u plagosën Kelmend Kastrati dhe Elton Margariti. Policia arrestoi atëherë edhe një oficer të SHISH, i cili dyshohet se siguronte informacion për lëvizjet e Kelmend Kastratit duke çuar në atentatin në janar 2016.

Në vendin e ngjarjes u gjet e goditur nga makina e Shkëlzen Kastratit edhe një makinë tjetër tip “Mercedes Benz” me targa AA799UY, por nga të dhënat policore rezulton se ajo nuk ka qenë e përfshirë në ngjarje pasi ndodhej rastësisht duke kaluar aty.

Të fundit

U gjetën të zhveshur dhe njëri pa kokë në mes të Spanjës, të rinjtë ishin të dy nga Fushë-Kruja

Kohë më parë një lajm tronditës erdhi nga vendi i Spanjës ku u raportua për një aksident, ku dy...

Manastirliu jep lajmin e mirë: Po përgatitemi për të ulur fashën deri në plus 60 vjeç

Ministrja e Shëndetësisë dhe Mbrojtjes Sociale, Ogerta Manastirliu, nga qyteti i Vlorës dha lajmin e mirë për të moshuarit poshtë 70 vjeç, se do...

Ngatërron vargjet e Fan Nolit me të Migjenit, Kryemadhi: Nuk merrem më…

Kryetarja e LSI-së Monika Kryemadhi ditën e sotme ka zhvilluar fushatën elektorale në Vlorë, ku ka prezantuar dhe kandidatët për deputetë në këtë qark. Teksa...

“Kujt ja tregon ti këto?”/ Rama në Roskovec: Shesh të tillë s’ka as Kuvendi i Gramozit (Video)

Kryeministri Edi Rama ndodhet ditën e sotme në Fier ku ka inspektuar nga afër punimet në sheshin kryesor të Roskovecit. Rama ka parë nga afër...

Zbuohet njësia në Tiranë që do votojë në mënyrë elektronike, ja si do të procedohet

Banorët e njësisë 10 në Tiranë do të mund të votojnë në zgjedhjet e 25 prillit në mënyrë elektronike. Komisioni Qendror i Zgjedhjeve ka testuar...

Lajme të tjera

Web TV