Sipas një ligji në Itali, një profesor që merr postin e kryeministrit duhet të lërë punën dhe sapo të zyrtarizohet humbja e detyrës në krye të qeverisë, Giuseppe Conte automatikisht do të rimarrë postin e karriges së tij në universitet.
Në teori, profesor Conte mund të kthehet për të dhënë mësim që më 22 shkurt, fillimi i semestrit të dytë të vitit akademik. Por kjo do të shihet bazuar në orarin e tij vjetor të mësimdhënies. Në rast se nuk janë planifikuar që të jepen mësim prej tij, Conte do t’i përkushtohet hulumtimit, studimit dhe ndoshta intervistave me studentë.
Luigi Dei, rektor i Universitetit të Firences, ku kryeministri në ikje dha mësim për nivelin Master për Drejtësi deri në vitin 2018, komenton mbi perspektivën e një kthimi të Conte-s në jetën akademike.
“Profesor Giuseppe Conte dha kontributin e tij në shërbimin e vendit dhe e bëri atë me shumë kompetencë dhe me moral ai e kreu rolin e tij si kryeministër në mënyrën më të mirë të mundshme, siç ka gjithnjë kërkohej. Përveç kësaj, pozicioni i Conte-s si president i Këshillit të Ministrave sigurisht i dha prestigj Universitetit tonë dhe përfaqësoi një element krenarie për Universitetin. Universiteti ynë ka pasur dhe ka akoma profesorë në role të rëndësishme në jetën publike. Duke kontribuar në funksionimin e institucionet më të larta republikane me mësuesit tanë është padyshim një arsye për prestigj dhe krenari dhe kjo ishte gjithashtu në rastin e Profesor Conte”, ishin fjalët e rektorit të Universitetit të Firences, Luigi Dei.
