Ambasada ruse shprehet se është e gatshme të ndihmojë në rast se Shqipëria zgjedh të bëjë një marrëveshje për vaksinën e koronavirusit Sputnik V. Kjo pavarësisht se në rastin e parë vendi ynë refuzoi ta bënte diçka të tillë. Madje kryeministri Rama e quajti një ‘provokim për të cilën selia ruse në Tiranë duhet të kërkonte ndjesë’.
Gjithsesi këto diskutime dhe fjalë janë lënë pas nga mbasada ruse e cila thotë se nëse Tirana zyrtare dëshiron të nisë negociatat me Fondin Rus të Investimeve Direkte për marrjen e vaksinës, atëherë Moska do të jetë e gatshme t’i fillojë.
“Qeveria e secilit vendi vendos vet me cilët kompanitë ajo dëshiron të negociojë marrjen e vaksinave. Nëse Qeveria e Republikës së Shqipërisë do të dëshirojë të mbajë negociata me Fondin Rus të Investimeve Direkte, Fondi në fjalë patjetër do të jëtë i gatshëm t`i fillojë ato. Në këtë rast kjo gjë nuk ka asgjë të bëjë me ambasada ne vetëm mund të informojmë organet përkatëse shtetërore për mundësi të tilla”, thekson ambasada ruse në përgjigjen e saj për gazeta Si. Përfaqësia ruse komentoi edhe reagimin e zotit Rama duke thënë se “ne ishim të habitur.”
Zhvillimet e fundit tregojnë se Shqipëria mund të ndryshojë qasje, në një kohë kur edhe Gjermania është e hapur për përdorimin e Sputnik
