Ish-konkurentja e Perputhen, Tea Trifoni ka reaguar në një video prej 9 minutash, pas bujës që shkaktoi dalja në dritë e lidhjes së saj me Beartin.
Në video Tea ka zgjedhur tu përgjigjet disa prej pyetjeve më të shpeshta që vinin prej ndjekësve të saj.
Në fillim të videos, ajo shprehet se për të ditët e fundit nuk kanë qenë të lehta, për shkak të ofendimeve të shumta nga publiku.
“Këto ditët e fundit nuk kanë qenë aq të lehta, sepse të kthehet një shqiptari e tërë kundër të të shajë të të ofendojë të të urojë vdekjen nuk është aq e lehtë sado person i fort të jesh është e vështirë të kapërdihet, por ja që kaloi. Thonë që çudia më e madhe 3 ditë zgjat, por kjo e imja zgjati më shumë.”- tha Tea.
Ajo rrëfen se se nuk doli që në fillim me Beartin nga emisioni, sepse kur ai u largua, mes tyre nuk kishte lindur ende asgjë. Pyetjes se përse nuk zgjodhi të largohet nga programi ashtu siç bëri Fjorela, Tea nuk nguroi të përmendë sërish kontratën.
“Fjorela ka ndenjur shumë e heshtur në program ditët e fundit, por për shkak të kontratës ju kërkua që të rrinte ca më tepër. Nejse punë për njerëzit”, tha ish-konkurentja.
Ndër të tjera Trifoni u shpreh shumë e zhgënjyer nga qëndrimi i Andit në emisionin “Roped With Olsi”. Andi nuk u shpreh në emision me bindje të plotë se produksioni apo qoftë ai vetë ishte në dijeni të gjithë kësaj historie, ndërkohë që në reagimin e tij të parë tha gjë tjetër.
“E zhgënjyer. U zhgënjeva nga ajo intervistë, sepse Andi bëri sikur ishte i lënduar dhe nuk ka qenë në dijeni të kësaj situate. Kur në fakt ka qenë në dijeni të kësaj situate që nga fillimi”, rrëfen Tea.
