Mbrëmjen e djeshme në “Për’puthen Prime” Melisa Lleshi njoftoi largimin nga produksioni.
E pyetur për arsyen e largimit, ish-konkurrentja tha se ndër të tjera presioni nga publiku dhe ndodhitë e fundit e bënë qëndrimin e saj të pamundur.
Ky vendim i ka mërzitur jo pak fansat e saj, të cilët nuk janë të paktë në numër.
Pas përfundimit të emisionit, në një video të publikuar prej saj, Melisa shfaqet me një buqetë të madhe me trëndafila.
Ajo nuk harroi të falënderojë personin që i kishte bërë këtë surprizë, i cili ishte pikërisht një fans i Melisës.
“Dua të falënderoj dhe t’i kërkoj ndjesë një djali. Shumë shumë faleminderit për mbështetjen që më ke dhënë, për vlerësimin dhe dashurinë. Të kërkoj ndjesë që dhuratën që më solle nuk ma sollën dot në mes të emisionit dhe që po largohem, por më beso që për mua ishte më mirë ashtu”, u shpreh Melisa ne video.
