Bajerni i Mynihut synon trofeun e 6-të sezonal, trajneri Flik dhe sulmuesi Levandovski, euforikë

113 563 lexime

124,178FansaPëlqeje

Trajneri Flik dhe sulmuesi Levandovski flasin për finalen e Botërorit të Klubeve me Tigresin. Do të jetë një duel midis Bajernit të Mynihut dhe meksikanëve të Tigresit finalja e Botërorit të Klubeve në futboll, që është një tjetër ekskluzivitet madhor sportiv i Rrjetit të Radio-Televizionit Shqiptar. Gjigandja bavareze synon të bëhet skuadra e dytë, pas Barcelonës në 2009-ën, që arrin t’i fitojë të 6 trofetë e mundshëm, kombëtarë dhe ndërkombëtarë brenda një sezoni.
Bajerni i Mynihut nuk ka gabuar të hënën, duke fituar me rezultatin 2-0 ndaj kampiones së Afrikës, El-Ahlit, dhe synon të bëhet skuadra e dytë, pas Barcelonës në 2009-ën, për t’i fituar të 6 trofetë e mundshëm, kombëtarë dhe ndërkombëtarë brenda një sezoni. Dhe trajneri Hansi Flik nuk e ka fshehur këtë dëshirë të bavarezëve. “Sigurisht që ne duam ta fitojmë këtë trofe”, – ka thënë ai.
“Sepse, kur ta arrijmë një gjë të tillë të enjten, skuadra do të përmbyllë një sezon të jashtëzakonshëm me 6 trofe, teksa kjo kupë i përket sezonit të shkuar”, – shtoi trajneri i kampionëve të Evropës, i cili thotë se, tani, skuadra e tij është gati për finalen e Botërorit të Klubeve ndaj skuadrës meksikane, Tigres. “E kam parë edhe gjysmëfinalen tjetër dhe meksikanët kanë një skuadër të fortë fizikisht, me një mënyrë loje shumë dinamike dhe shumë intensive”, – ka thënç Fliku.
“Do të nisim menjëherë përgatitjet dhe do të përpiqemi të ndërtojmë strategjinë më të mirë për këtë ndeshje”, – ka përfunduar trajneri i Bajernit të Mynihut. Edhe për sulmuesin Robert Levandovski, i cili shënoi të dy golat e fitores në gjysmëfinale, Bajerni i Munihut është gati. “Tanimë ne jemi në finale dhe ajo do të jetë një ndeshje e bukur, – ka thënë polaku. – Jemi gati për këtë ndeshje dhe për kundërshtaren tonë, skuadrën e Tigresit.”
“Mendoj se do të jetë një ndeshje interesante dhe shpresoj që ne do të fitojmë”, – ka përfunduar sulmuesi i gjigandes bavareze. Botërori i Klubeve në futboll është një tjetër ekskluzivitet madhor sportiv i Rrjetit të Radio-Televizionit Shqiptar, që do të sjellë në kanalin RTSH Sport të enjten edhe duelin për vendin e 3-të dhe të 4-t, midis El-Ahlit dhe Palmeirasit, duke nisur nga ora 16:00, por edhe finalen e madhe Bajern Mynih-Tigres, duke nisur nga ora 19:00.

Të fundit

“E-albania kurthi më i keq”/ Rama ironizon Berishën me videon e bufit: S’ka derman jo

Kryesocalisti Edi Rama ka ironizuar sërish kryetarin e Partisë Demokratike me një video me buf. Në video Berisha shpreh pakënaqësitë ndaj portalit E...

Spahiu: Sponsorizimi 6 mln dollarë për PD kalon disa herë limitet e parashikuar në ligj

Juristi dhe analisti Kreshnik Spahiu, në një intervistë për Report TV, tha se sponsorimi prej 6 milionë dollarësh për PD në kontratën me kompaninë...

Aeroporti i Vlorës merr kodin nga Shoqata Ndërkombëtare e Transportit Ajror

Shoqata Ndërkombëtare e Transportit Ajror, IATA i ka vendosur kodin për aeroportet dhe shitjen e biletave aeroportit të Vlorës, VLO. Lajmi është bërë i...

Lobim 6 milionë dollarësh, SPAK nis verifikimet për kontratën e PD në SHBA

Kontrata e lobimit të Partisë Demokratike në SHBA është futur në verifikim nga SPAK. Shifra prej 6 milionë dollarësh e kësaj kontrate dhe burimi i...

50 euro vota krim zgjedhor, 6 milion euro quhet lobim ligjor! Pse hesht KQZ?!

Juristi dhe analisti Kreshnik Spahiu, deklaroi se KQZ duhet të reagojë lidhur me kontratën 6 milionë dollarëshe të PD me kompaninë "Continental Strategy". Sipas...

Lajme të tjera

Web TV