Më uljen e dukshme të rasteve të të infektuarve me Covid-19, Qeveria e Kosovës në mbledhjen e sotme ka propozuar lehtësimin e masave anti Covid.
Zëdhënësja e Qeverisë së Kosovës, Antigona Baxhaku ka konfirmuar se kanë propozuar që të hiqet ora policore për komunat që janë në zonë të kuqe.
“Është propozuar heqja e orës policore, nuk do të ketë kufizim të lëvizjes. Studentët po ashtu do të mbajnë mësim në objektet e fakulteteve, kurse bizneset që janë në zonë të kuqe do të lejohen të punojnë deri në ora 22:00”, tha ajo.
Në 24-orët e fundit në Kosovë janë konfirmuar 307 raste të reja me koronavirus, kurse numri i përgjithshëm i viktimave ka arritur në 1 mijë e 532.
