Vëmendja e komunitetit shkencor ndaj varianteve të koronavirusit Sars-Cov-2 është shumë e lartë. Indikacionet paraprake që vijnë nga vendet ku, ata janë bërë dominuese, raportojnë se niveli i mbrojtjes së dhënë nga vaksinat anti-Covid është më i ulët se ai i vërejtur ndaj versioneve të mëparshme të virusit.
Të dhënat që, për momentin, duket se sugjerojnë që disa ndryshime gjenetike të pranishme në proteinën Spike të Afrikës së Jugut dhe variantit Brazilian mund t’i japin virusit aftësinë për t’i shpëtuar përgjigjes së antitrupave të shkaktuar nga vaksinat, duke ngritur shumë frikë rreth kërcënimit nga këto lloje mutante.
“Shkencëtarët tashmë po punojnë për të rregulluar përbërjen e vaksinave të tyre, tha Andreë Pollard, drejtori i Grupit të Vaksinave të Oksfordit.
Një dozë e tretë ose në çdo rast një injeksion shtesë i një formulimi “të azhurnuar ” mund të jetë i nevojshëm, një mundësi që autoritetet shëndetësore të Britanisë së Madhe nuk e përjashtojnë, duke treguar që ajo mund të jetë në dispozicion që në vjeshtë.
Doza e re, raporton Mirror, mund të jepet në të njëjtën kohë me vaksinën e gripit sezonal. Sipas Ministrit Britanik të Shëndetësisë Edëard Argar, “nuk do të ishte e paarsyeshme” të merresh shtesa vjetore e vaksinës Covid për t’u mbrojtur nga llojet e reja.
Megjithëse Sars-Cov-2, ashtu si koronavirusët e tjerë, nuk ka një ndryshueshmëri të theksuar pavarësisht se është një virus ARN, të dhënat tregojnë se “ne duhet të bëjmë gjithçka që është e mundur për të zvogëluar qarkullimin e virusit dhe për të ngadalësuar zhvillimin e mutacioneve që mund të zvogëlojë “efektiviteti i vaksinave ekzistuese” – tha Organizata Botërore e Shëndetësisë.
Për më tepër, duket gjithnjë e më qartë se prodhuesit e vaksinave do të duhet të përshtaten me evolucionin e koronavirusit, duke marrë parasysh variantet më të fundit për dozat e ardhshme përforcuese.
