Kryetari i partisë AKR në Kosovë, Behgjet Pacolli ka reaguar pas rezultateve të zgjedhjeve.
Përmes një postimi në rrjetet sociale, ai shkruan se në një demokraci, është e rëndësishme të pranosh rezultatin dhe të përgëzosh kundërshtarin.
Ai ka falenderuar qytetarët që vendosën edhe një herë një standard të lartë në këtë proces zgjedhor.
“Kur numërimi i votave po shkon drejt fundit, ne mund të konstatojmë se fituesi i zgjedhjeve është LVV. Në një demokraci, është e rëndësishme të pranosh rezultatin dhe të përgëzosh kundërshtarin. Unë do të doja të falënderoja të gjithë qytetarët e vendit që vendosën edhe një herë një standard të lartë në këtë proces zgjedhor, pa ndonjë incident dhe me dalje të lartë. Pas certifikimit të rezultateve është e rëndësishme konstituimi i Kuvendit të ri dhe zgjedhja sa më parë e Qeverisë së re”,- shkruan Behgjet Pacolli.
