Policia e Kosovës njofton se ka arrestuar një grua në Gjilan, pasi ajo ka dhunuar fizikisht një mashkull.
Përmes raportit 24-orësh, policia ka bërë të ditur se e dyshuara fillimisht është dërguar në spital për trajtim psikiatrik, por ka refuzuar. Njoftohet se e dyshuara, me vendim të prokurorit është dërguar në arrest për 48 orë.
“Është arrestuar e dyshuara femër kosovare, pasi ka sulmuar fizikisht viktimën mashkull kosovar. E dyshuara fillimisht është dërguar në spital për trajtim psikiatrik, por ka refuzuar.
Në lidhje me rastin është konsultuar prokurori i Shtetit, me vendim të të cilit e dyshuara do të dërgohet në mbajtje për 48 orë”, njoftoi policia.