Kryeministri Edi Rama ka publikuar mbrëmjen e sotme pamje nga Poliklinika e Krujës para se ai të merrte pushtetin.
Ai me këtë status në Facebook iu adresua atyre që e akuzojnë se “s’ka ndryshuar asgjë”.
Kreu i qeverisë i mëshoi idesë se prandaj i duhet Mandati i Tretë për të vazhduar punët e lëna përgjysmë.
Statusi i plotë
Ja si ishte edhe Poliklinika e Krujës deri para 7 jo 70 vjetësh dhe si po bëhet sot, e le ta shohin edhe këtë ata që vazhdojnë thonë “s’ka ndryshuar asgjë” ose më keq akoma, “s’ka më keq se janë bërë spitalet”!
Unë jam i pari që them ka ende shumë akoma për të ndryshuar më tej, prandaj duhet Mandati Tretë, por ama kush thotë se nuk ka ndryshuar si nata me ditën gjendja e spitaleve, ose ka humbur kujtesën ose është krejt i verbuar nga mllefi politik!
Sidoqoftë një gjë është e sigurtë: Askush nuk e mbaron dot punën transformuese të shëndetësisë përveç nesh, sepse kjo është një luftë që do vizion, pasion, vullnet dhe durim të madh, e këto o i ke o s’i ke
