Menjëherë pas blerjes së 200 mijë dozave të vaksinës kineze, Maqedonia e Veriut do të marrë 100 mijë vaksina ruse antiCOVID.
Kryeministri i vendit Zoran Zaev njoftoi se u ka dhënë institucioneve udhëzime për marrëveshjen e furnizimit me vaksinat Sputnik V.
Vaksinimi kundër COVID-19, në Maqedoninë e Veriut ka nisur më 17 shkurt, me dërgesën e parë të 4,680 vaksinave të kompanisë Pfizer si donacion nga Serbia.
Pjesa tjetër e tërë dërgesës prej 8,000 dozave nga Serbia pritet arrijë në Shkup javën e ardhshme. Kryeministri Zaev tha se deri në fund të këtij muaji qeveria pret përgjigje nga “Pfizer” për 800,000 dozat për të cilat janë zhvilluar bisedime me kompaninë amerikane.
Ndërkohë, 200,000 doza të vaksinave kineze pritet të mbërrijnë në fillim të muajit mars në këtë shtet.
Të parët që janë vaksinuar janë punonjësit shëndetësorë të Klinikës Infektive në Shkup, ndërsa më pas do të vaksinohen edhe klinikat tjera.
