Adriana, motra e Zhaneta Metanit dhe Kristina Bardhit që u vranë ditën e Vitit të Ri në shtëpinë e tyre në Astir, kërkon kujdestarinë e djalit të Zhanetës.
14 vjeçari, i cili ishte dëshmitar i gjithë ngjarjes, aktualisht jeton me Adrianën. Por kjo e fundit pavarësisht se nipi jeton me të, do ta ketë atë dhe në kujdestari.
Ajo ka nisur një gjyq në Gjykatën e Tiranës për të marrë nipin e mbetur jetim.
Kujtojmë se, ngjarja e rëndë ndodhi mëngjesin e 31 dhjetorit 2020, teksa dy motrat Zhaneta Metani dhe Kristina Bardhi ndodheshin në shtëpinë e tyre. Autori Përparim Ademi kishte lidhje me të dyja motrat. Shkak i vrasjes dyshohet se është bërë kërkesa e motrave për tu ndarë nga Ademi.
Për këtë ngjarje Prokuroria ka nisur hetimet për veprën penale të “trafikimit të qenieve njerëzore” pasi dyshohet se Përparim Ademi bashkë me dy motrat lindnin fëmijë dhe i shisnin ata në vendet fqinje.
