Janë siguruar pamjet nga momenti i vrasjes së Bardhok Pllanajt një natë më parë në Shkodër, pranë banesës së tij.
Pllanaj fillimisht ka humbur kontrollin e mjetit si pasojë e të shtënave nga pas, duke u përplasur me një biznes të lëndëve të ndërtimit. Më pas autorët i kanë dalë në pjesën anësore duke e qëlluar sërish dhe më pas kanë ikur.
Gjithçka ka ndodhur rreth orës 21:10 të së dielës së 4 prill, ku 46-vjeçari po lëvizte me makinën e tij “Range Rover” në rrugën e Dobraçit. Mendohet se në makinën e ekzekutorëve kanë qenë 3 persona që kalë qëlluar, pasi në vendin e krimit u gjetën më shumë se 100 gëzhoja.
Shumica e plumbave ishin në makinë, ndërsa në trupin e viktimës plot 30, aq sa mban një karikator kallashnikovi. Gjatë kqyrjes së mjetit policia konstatoi 2 armë zjarri të cilat u dërguan në laboratorin kriminalistik për një ekspertizë të detajuar.
Ndër të tjera nga pamjet shikohet se fillimisht autorët kanë qëlluar në ecje më pas makina e viktimës duket se është përplasur me një biznes në aë të rrugës, ku duket se autorët kanë shkuar sërish dhe e kanë qëlluar.
