Procesi i vaksinimit vazhdon në vendin tonë. Përveç grupmoshave të mëdha, qeveria ditë pas dite cakton edhe disa kategori të caktuara profesionesh që konsiderohen si më të rrezikuarat.
Javën që lamë pas dhe këtë javë u njoftua për vaksinimin e gazetarëve dhe policëve. Ndërsa tani radha është e farmacistëve.
“Të nderuar kolegë, Ju njoftojmë se ditën e nesërme nis procesi i vaksinimit për farmacistët e Rajonit të Tiranës. Të gjithë farmacistët që janë të interesuar të vaksinohen, të plotësojnë formularin e mëposhtëm me të dhënat përkatëse, në mënyrë që të hartohen listat që do i dërgohen qendrave të vaksinimit,” thuhet në njoftimin e Urdhrit të Farmacistëve.
Deri tani në total janë vaksinuar 200 mijë persona. Ritmi i të vaksinuarve në ditë shkon tek 19-20 mijë persona.
