Policia dhe grupet e saj të ndërhyrjes së shpejtë kanë kryerë një kontroll të makinës së Gazment Bardhit përballë zyrës së shtabit elektoral të PD. Bardhi ka reaguar ashpër ndaj këtij kontrolli.
“Përse erdhe të kontrollosh makinën e drejtuesit kryesor të shabit të partisë më të madhe të opozitës?”, iu drejtohet Bardhi.
Punonjësi i policisë shprehet se erdhi sipas informacioneve që kishin. “Shkoni të bandat, por nuk iu mban aty. Do të mbani përgjegjësi për këtë? Më shkruaj në procesverbal çfarë keni gjetur. Jam në të drejtën time. Për çfarë erdhe?”, shprehet Bardhi, i cili thotë iu kanë nënshtruar bandat.
Kujtojmë këtu se Arbër Paplekaj, pjesë e grupit të PD-së për mbrojtjen e votave në Elbasan qëlloi me armë drejt Pjerin Xhuvanit, duke e lënë të vdekur. Ndërsa nga kjo përplasje mbetën të plagosur katër të tjerë, një prej tyre punonjëse e policisë së këtij qyteti. Dy prej të plagosurve janë ish-policë që janë po ashtu pjesëtar të grupit të PD-së për mbrojtjen e votave ndërsa shtetasi tjetër është dhëndri i Pjerin Xhuvanit.
