“Më lanë me 24 vota në vendlindje”/ Nard Ndoka nxjerr paktin me PD: Si më tradhtoi Basha, krim dhe pabesi

113 563 lexime

106,048FansaPëlqeje

Kryetari i Partisë Demokristiane, Nard Ndoka ka akuzuar kreun e PD-së për shkeljen e marrëveshjes së firmosur me aleatët.  Akuza e tij lidhjet me faktin se Basha nuk ka zbatuar paktin e firmosur me partitë aleate në prill të vitit 2019, ku parashikonte që krerët e këtyre partive të caktoheshin në vendin e tretë në listat e PD-së.

Kryedemokristiani sakaq ka akuzuar ashpër PD-në se madje ia kanë hequr votat atij. Por nga ky mos zbatim marrëveshjeje, Ndoka u thotë se vetëm dhe partia e tij u lanë pa u përfaqësuar në Parlament.

“Të nderuar miq që paragjykoni! Po flasim për një fenomen politik. Partia Demokristiane e Shqipërisë është nder 4-5 partitë kryesore në vend, më e vlerësuar më vota se PAA, LZHK e PBDNJ, pra ndjehemi të diskriminuar dhe përjashtuar edhe në raport me partitë aleate. Unë jam i vetmi kryetar partie që i kam fituar në mazhoritar betejat politike përballë PD e PS në vendlindjen time. Sot ndjehem i trishtuar, se kolegët demokrat me grabitën votat edhe në vendlindje, duke më lënë vetëm 24 vota, turp, krim, pabesi! Kjo është marrëveshja e firmosur nga 6 parti politike, përfshire z.Basha si Lideri i Opozites, nga këta firmëtarë vetëm PDK dhe unë si kryetar i saj jemi jashtë Kuvendit. E kemi mbështetur PD për 8 vite në opozite, në kauza, protesta, çadra, lënien e mandateve, mos regjistrim në zgjedhjet lokale, etj. Mbështetje pa rezerva për Opozitën e Bashën, në fund u ndjemë të tradhtuar, të pavlerësuar dhe të persekutuar. As sot pas disfatës, nuk ka një falje, apo reflektim njerëzor dhe politik!”, shkruan Ndoka.

Çfarë parashikonte marrëveshja?

Sipas dokumentit të firmosur nga Basha në emër të PD-së mes 6 partive aleate parashikonte që t’i jepte përparësi krerëve të partive të koalicionit të djathtë, duke i vendosur në emrat e parë, pra në listat fituese.

Lexo edhe :  A do ta “vrasë babanë politik” këtë herë Lulzim Basha?

“Për zgjedhjet e ardhshme parlamentare, Partia Demokratike do të përfshijë në listat shumemërore të kandidatëve të saj të gjithë kryetarët e partive nënshkruese të kësaj marrëveshjeje, duke e renditur secilin prej tyre në numrin rendor 3 të një qarku dhe kur dy amë shumë se kryetarët e këtyre partive do të përfshihen njëherazi në listën shumë emërore të Partisë Demokratike në një qark, atëherë ato do të renditen njëri pas tjetrit, duke filluar nga numri 3. Renditja e tre në këtë rast do të bazohet në rezultatet historike zgjedhore për Kuvendin e Shqipërisë”, thuhet në pikën 7 të kësaj marrëveshjeje të firmosur në 10 prill 2019.

Por tani vetëm Ndoka mbeti jashtë Parlamentit, pasi ai ishte i teti në listën e Shkodrës. Ndërsa deputetë u bënë të gjithë aleatët kryesorë të PD-së, Dashamir Shehi LZHK-së, Fatmir Mediu i PR-së, Vangjel Dule i PBDNJ-së dhe Agron Duka i PAA-së. Në pikën 10 të paktit përcaktohet se ai nuk mund të ndryshojë pa pasur konsensusin e aleatëve.


Të fundit

Një epidemi tjetër po përhapet/ Sëmundja e ‘kërpudhave të zeza’ po frikëson botën

India ka filluar ta deklarojnë një epidemi të “kërpudhave të zeza”, ndërsa rastet e infeksionit fatal të rrallë shpërthejnë...

Italia fiton ‘Eurovision 2021’, ja cilin vend zuri Shqipëria

"Måneskin" është grupi fitues i “Eurovision 2021”. Banda italiane performoi në skenën e Roterdamit me këngën “Zitti e buoni”. Ishte vota e publikut ajo...

Horoskopi për ditën e sotme, 23 maj 2021

Dashi Sikur çdo ditë të ishte si sot, jeta do të ishte parajsë. Kjo është potencialisht një kohë e mrekullueshme për ju. Ju mund të...

E rëndë/ Radha për të hyrë në tualetin e një lokali bëhet shkak i vrasjes së një të riu

Disa pamje të rënda vijnë nga një lokal nate në Bronx të New York-ut, në SHBA, ku një person është ekzekutuar me armë zjarri. Shkak është...

Berisha ‘non grata’ në SHBA, Kreshnik Spahiu: Fati i keq që do e bëj burgun në pleqëri

Kreshnik Spahiu ka ironizuar komentet e disa prej analistëve që shprehen se para se Sali Berisha të ishte shpallur ‘non grata’ nga SHBA e...

Lajme të tjera

Web TV