Dy shtetas shqiptarë i dhanë fund jetës tragjikisht në Greqi ditën e sotme. Sipas raportimeve mësohet se njëri prej tyre ka qenë këngëtar në shtetin helen.
Mësohet se 43-vjeçari i dha fund jetës duke u vetëvarur me litar dhe u gjet nga nëna e tij. Mediat raportojnë se bëhet fjalë për një artist të muzikës tradicionale.
Sipas mediave vendase, shqiptari ishte varur në bodrumin e një shtëpie në zonën e Giofyro. Ndërkohë, rasti i dytë u shënua në Tympaki, ndërsa bëhet fjalë për një 63-vjeçar. Ky i fundit kishte telefonuar gruan e tij dhe i kishte thënë; ‘kujdes fëmijët’
Bashkëshortja e tij, e alarmuar nga telefonata kishte kërkuar ndihmën e fqinjëve, të cilët gjetën shqiptarin të varur.
Deri më tani ende nuk dihen arsyet e vetëvrasjes për të dy shtetasit shqiptarë, ndërkohë që policia po heton për rastet në fjalë.
