Këngëtari Elton Deda ka prekur me mesazhin e tij kushtuar ndarjes nga jeta të aktorit të njohur dhe regjisorit Pirro Mani, babai i partneres së tij, Jola Mani.
Përmes një postimi në rrjetet sociale Deda pohon se do t’i jetë mirënjohës për dashurinë që i dha, ndërsa theksoi se madhështia e tij nuk ka fund.
Mesazhi i Dedës
Fluturo tashmë me engjëjt babai i Teatrit. Ke sjellë shumë gëzime në jetën time. Dhe çfarë trishtimi solle sot. Do të të jem mirënjohës për gjithçka, për dashurine që më dhe, për trajtimin jo si i dashuri i Jolës por si artist dhe koleg. Madhështia jote nuk ka fund! Ashtu si nuk do ketë kurrë fund vepra dhe pasuria që na le! Qofsh i parajses babi Piro.
