Komisioni i Pavarur i Kualifikimit konfirmoi sot në detyrë, gjyqtar pranë Gjykatës së Rrethit Gjyqësor Tiranë Gerd Hoxhën.
Trupa Gjykuese e përbërë nga Brunilda Bekteshi, Olsi Komici, Genta Tafa (Bungo) pasi analizoi provat dhe fakte, vendosi me vota unanime konfirmimin në detyrë të Gerd Hoxhës, gjyqtar pranë Gjykatës së Rrethit Gjyqësor Tiranë.
Gerd Hoxha u diplomua në Shkollën e Magjistraturës në vitin 2003 dhe e ushtron funksionin si gjyqtar i Gjykatës së Tiranës prej 18 vitesh.
Paralelisht me detyrën si gjyqtar, Hoxha ka qenë gjithashtu anëtar i Këshillit të Lartë të Drejtësisë dhe kryetar i Unionit të Gjyqtarëve të Shqipërisë.
