OSBE i dhuron pajisje teknologjike Policisë Kufitare

113 563 lexime

124,178FansaPëlqeje

Prezenca e OSBE-së në Shqipëri i dhuroi sot Departamentit të Kufirit dhe Emigracionit të Policisë së Shtetit pajisje të teknologjisë së informacionit me vlerë 22 000 euro.

Pajisjet e dhuruara përfshijnë 12 laptopë, 11 projektorë multimedialë, tetë printer shumëpërdorimshë dhe 11 ekrane projektorësh.

Pajisjet do të shpërndahen në shtatë drejtori rajonale të Kufirit dhe Emigracionit dhe në tri komisariate të Kufirit dhe të Emigracionit, me synim fuqizimin e aftësive trajnuese të kësaj trupe policore.

Pajisjet u dhuruan si pjesë e një projekti që Prezenca e OSBE-së nisi, vitin e kaluar, në mbështetje të Policisë së Shtetit, pjesë e së cilës është edhe Departamenti i Kufirit dhe i Emigracionit.

Drejtori i Përgjithshëm i Policisë së Shtetit Ardi Veliu ka falënderuar ambasadorin Vincenzo Del Monaco, për mbështetjen e vazhdueshme për strukturat e Policisë së Shtetit, veçanërisht për ato të kufirit dhe migracionit.

Vincenzo Del Monaco vlerësoi marrëdhënien mjaft të shkëlqyer mes Policisë së Shtetit dhe Prezencës së OSE-së në Shqipëri. Ai u shpreh se së fundmi kishte vizituar disa prej pikave të kalimit kufitar në vend dhe ishte impresionuar nga profesionalizmi i drejtuesve dhe punonjësve të Policisë Kufitare. Gjithashtu, ambasadori ka vlerësuar rezultatet e arritura nga Policia e Shtetit, në drejtim të goditjes së veprimtarisë kriminale në të gjitha fushat që ajo shfaqet.

Projekti ka për qëllim përdorimin e metodave të përparuara mësimore nga ana e Departamentit me anë të infrastrukturës moderne të teknologjisë së informacionit dhe të instrumenteve online të ofruara prej saj. Objektivi kryesor i projektit është plotësimi i nevojave në rritje të Policisë së Shtetit për realizimin e të nxënit të vijueshëm dhe rritjen e aftësive të personelit të saj, pavarësisht nga situata e jashtëzakonshme e krijuar nga pandemia COVID-19.

Lexo edhe :  Rudina Hajdari: Jua them unë se çfarë duhet të bëjë PD tani

Prezenca e OSBE-së në Shqipëri ka një bashkëpunim të gjatë me Policinë Kufitare dhe të Migracionit dhe punon me të për të zhvilluar protokolle të përbashkëta dhe qendra të bashkëpunimit policor. Ajo ofron edhe rritje të kapaciteteve për një kontroll më të mirë të kufijve të Shqipërisë ndaj veprimtarive kriminale si trafikimi i drogës, trafikimi i personave, migrimi i parregullt dhe luftëtarët e huaj terroristë. ​

 

Të fundit

Diaspora, përfundon numërimi i votave për partitë në 11 qarqe

Numërimi i votave të diasporës për subjektet ka përfunduar në 11 qarqe, ndërsa vijon vetëm në Korçë. Sipas KQZ, numërimi...

I ftohtë, strateg, i uritur: Hansi Flick mbylli sezon fenomenal te Barcelona

Në rininë e tij ka qenë edhe futbollist, por mbahet mend shumë pak. Hansi Flik padyshim mund të tregojë shumë më tepër sesa një...

Kërcënoi kandidaten e PS në Lezhë, arrestohet 27-vjeçari i shpallur në kërkim

Është arrestuar ditën e sotme në Lezhë 27-vjeçari Xhejson Seferaj, i cili akuzohet se është një nga personat që kanë kërcënuar babain e kandidates...

Presidenti Zelensky takohet me JD Vance, “Vatikani, vendi i bisedimeve për paqen”

Presidenti ukrainas Volodymyr Zelenskyy është takuar me zëvendëspresidentin e SHBA-së, JD Vance dhe sekretarin e Shtetit Marco Rubio në prag të inaugurimit të Papa...

“Pallati mbretëror fluturues” që Katari i dhuroi Trump-it ka 40 televizorë

Pavarësisht kritikave dhe kundërshtimeve të brendshme, administrata e Presidentit amerikan, Donald Trump, duket se ka rënë dakord të pranojë një avion privat superluksoz Boeing...

Lajme të tjera

Web TV