Aplikacioni i WhatsApp po teston një karakteristikë të re e cila do t’iu lejojë për herë të parë përdoruesve të dërgojnë mesazhe pa përdorur telefonin e tyre.
Aktualisht, aplikacioni që të funksionojë në desktop, duhet të lidhet nëpërmjet internetit me telefonin e përdoruesit.
Por karakteristika e re e aplikacionit do t’iu lejojë përdoruesve të dërgojnë dhe të marrin mesazhe edhe në rast se telefoni tyre është fikur.
Sipas WhatsApp, me veçorinë e re mund të përdoren njëkohësisht deri në katër pajisje, si për shembull PC dhe tablet.
Veçoria e re do të nisë të përdoret fillimisht për një grup të vogël përdoruesish, para se të përdoret në masë./BBC
