Një ngjarje e rëndë dhe njëkohësisht e pazakontë është regjistruar në Galaci të Greqisë, ku një 61-vjeçar shqiptar ka tentuar të përdhunojë komshien e tij 80-vjeçare. Sipas mediave greke, shqiptari ishte i pirë teksa trokiti derën e komshies së moshuar duke i thënë se ka harruar çelësat e shtëpisë së tij dhe për këtë arsye i kërkoi që të kalojë nga ballkoni i kësaj të fundit tek shtëpia e tij.
Raportohet se e moshuara pranoi menjëherë të ndihmojë shqiptarin, por kur ai hyri në shtëpinë e saj, 61-vjeçari nuk shkoi në ballkon, por tentoi të përdhunojë të moshuarën duke i thënë asaj se do që të kryejnë marrëdhënie seksuale.
80-vjeçarja filloi të bërtasë, ndërsa shqiptari nga paniku e sipër u largua me shpejtësi dhe u kyç në shtëpinë e tij.
Sipas burimeve policore shqiptari shtyu të moshuarën duke e hedhur atë në shtrat dhe më pas filloi të bënte “gjeste të pahijshme”.
