Një 40-vjeçar është arrestuar pasi u kap me 68 emigrantë të paligjshëm në kamion në tentativë për t’i kaluar ato drejt vendeve të BE-së.
Edlir Koko, 40-vjeçar, u arrestua në Pogradec, pasi gjatë kontrollit në mjetin tip kamion të markës “Benz”, u kapën 68 emigrantë të paligjshëm, të cilëve kundrejt shpërblimit prej 150 euro secilit iu ishte premtuar kalimi i tyre drejt vendeve të BE-së.
Në momentin e ndalimit, 40 vjeçari ka tentuar të korruptojë policinë me 1000 lekë, me qëllim shmangien e kontrollit.
Kjo bëri që 40-vjeçari tashmë të përballet në gjykatë me veprat “Ndihma për kalim të paligjshëm të kufijve” kryer në bashkëpunim dhe “Korrupsioni aktiv i personave që ushtrojnë funksione publike”.
