Me 34 vota pro dhe vetëm 3 kundër, Avni Ponari ka fituar mandatin e tij të katërt në krye të Federatës Shqiptare të Basketbollit.
Ponari garonte vetëm në këto zgjedhje, ndërsa edhe një herë pati mbështetje të gjerë nga komuniteti i sportit të koshit.
Në fjalën e tij përshëndetëse dhe përmbyllëse të Asamblesë, z. Ponari ka bërë një resume për kandidaturën e tij të vetme, duke premtuar se besimi i dhënë do të shpërblehet me punë dhe angazhim maksimal.
“Prioritetet tona janë zhvillimi i basketbollit, përafrimi i tij me basketbollin modern dhe rritja e konkurrencës në të gjitha disiplinat basketbollistike.
Puna e përbashkët në shërbim të misionit dhe ambicieve, duhet të na udhëheqë të gjithëve!
Suksese basketbollit!”
Avni Ponari tashmë do të certifikojë edhe mandatin e tij të katërt si president i FSHB-së në asamblenë zgjedhore.
