Lily Collins dhe Charlie McDowell janë zyrtarisht martuar! Aktorja e njohur u martua me të fejuarin e saj, gjatë fundjavës në Dunton, Colorado.
“Unë kurrë nuk kam dashur të jem e dikujt më shumë se e jotja, dhe tani është koha të bëhem gruaja jote”, ka shkruar ajo në një fotografi të çiftit duke u puthur në altar. “Më 4 shtator 2021 ne u bëmë zyrtarisht të njëri -tjetri përgjithmonë. Të dua pamasë @charliemcdowell …”
Fotot e çiftit ngjajnë si të shkëputura nga përrallat, ndërsa emocionet e tyre më të mëdha se kurrë. Fustani i aktores së ‘Emily in Paris’ mori gjithashtu vëmendje të madhe me elegancën që kishte.
McDowell gjithashtu ndau lajmin në Instagram, duke shkruar: “Unë u martova me personin më bujar, të menduar dhe më të bukur që kam njohur ndonjëherë. Të dua @lilyjcollins.”
Collins dhe McDowell, djali i aktores Mary Steenburgen dhe aktorit Malcolm McDoëell, u lidhën për herë të parë në vitin 2019. Ata e zyrtarizuan lidhjen Instagram në gusht të atij viti, kur aktorja ndau disa fotografi në Francë ndërsa ishte duke filmuar Emily in Paris.
